Mediat në Kosovë raportojnë se në orën 01:00 pas mesnate janë vendosur katër kamionë të rinj, tek barrikadat në pikëkalimin kufitar në Bërnjak. Sot është dita e tetë e protestës nga serbët, pas vendosjes së masës së reciprocitetit për targat nga ana e Qeverisë së Kosovës.
Presidenti i Serbisë, Aleksandër Vuçiç, ka reaguar pas kërkesës së sekretarit të NATO-s, Jens Stoltenberg, i cili në kuadër të situatës së krijuar në veri të Kosovës, ka kërkuar vetëpërmbajtje dhe kthim në dialog. Vuçiç i ka dhënë ultimatum NATO-s se nëse serbët e veriut të Kosovës prekën dhe nëse ajo nuk reagon brenda 24 orëve, atëherë do të ndërhyjë shteti serb.
“I kam thënë Stoltenbergut, që nuk do të futemi në Kosovë nëse rrezikohet populli serb, para se të presim 24 orë për intervenim të NATO-s.
Serbia nuk ka hyrë në territorin e Kosovës, jo sepse ne nuk e konsiderojmë si territor tonë, por sepse sipas Marrëveshjes së Kumanovës, ne nuk kemi të drejtë ta bëjmë këtë”, është shprehur Vuçiç për mediat serbe.
