Partia Demokratike, akuzon kryeministrin Edi Rama se nuk e ka mbajtur premtimin për uljen e çmimit të naftës. Përkundrazi, sipas ish-deputetes, Jorida Tabaku çmimi i naftës në këto 7 vite është rritur, po ashtu edhe taksat.
Ajo shprehet se Shqipëria paguan çmim të njëjtë të naftës si Suedia dhe Hong Kongu, dy nga vendet më të pasura në botë.
Ndër të tjera, deputetja deklaroi se Në çdo litër karburant, qytetarët paguajnë 240 lekë më shumë për shkak të taksës “Rama”.
Postimi i Tabakut në Facebook
Çmimet si në Suedi, jetesa si në Afrikë
Në 7 vjet, të gjitha çmimet u rritën, por rritja e çmimit të karburanteve është ndër aktet më të padrejta të Edi Ramës në kurriz të qytetarëve.
Ai erdhi në pushtet me premtimin e uljes së çmimit, por e rriti taksën sapo mori drejtimin e qeverisë. Sot ne paguajnë gati me të njëjtin çmim si Suedia dhe Hong Kongu, dy nga vendet më të pasura në botë.
Në çdo litër karburant, qytetarët paguajnë 240 lekë më shumë për shkak të taksës “Rama”.
Zinxhiri i rritjes së çmimeve ndalon tek xhepi i konsumtatorit. Të gjithë e dime se këto 7 vjet kostoja e jetesës vetëm rritet.
