Rreth 1 ton drogë është zbuluar në bregdetin e Semanit, ndërsa vijon të zhvillohet operacioni antidrogë në det e tokë.
Operacioni ka nisur në mesnatë nga Policia Kufitare e Delta Force me sinjalizim të radarit të Policisë Kufitare në Hoxharë.
Në operacion më pas janë përfshirë edhe Roja Bregdetare, GdF, DV.P. Vlorë, D.V.P.Fier e FNSH Fier.
Policia ka sekuestruar rreth 1 ton lëndë narkotike Cannabis Sativa, ku u bllokua midis Plazhit të Levanit dhe Darëzezës një Velierë me emrin “Nano Nini” me flamur Italian me 2 persona në bord, një italian dhe një shqiptar.
Skafistët kanë hedhur lëndën narkotike në det, e cila po rikuperohet nga policia, ndërsa deri më tani janë sekuestruar rreth 90 pako të mëdha.
Skafistët janë shoqëruar në polici për veprime të mëtejshme, ndërsa detaje të operacionit do të dalin në përfundim të veprimeve.
