Policia italiane ka arrestuar ditën e djeshme brenda një hoteli luksoz një 32-vjeçar shqiptar, i cili ishte shpallur në kërkim prej kohësh.
Sipas mediave italiane, shqiptari me inicialet A.A u kap në një hotel me pesë yje në Forte dei Marmi, ku edhe kishte rezervuar për të kaluar festat e fundvitit.
32-vjeçari kishte paraqitur dokumente false te recepsioni, me foton e një tjetër personi. Ishin punonjësit e recepsionit ata të cilët pas dyshimeve të forta njoftuan policinë. Shqiptari ishte shpallur në kërkim pasi akuzohej për trafik dhe shpërndarje droge.
32-vjeçari i cili do të deportohet për në Shqipëri ka qenë dënuar edhe më parë në moshën 19 vjeç për krime të rënda si: rrëmbim me qëllim të zhvatjen e vazhdueshme, dëmtim personal, mbajtje armësh, ndërkohë që më pas ishte bërë pjesë e një rrjeti trafiku droge.
