Ministri i Jashtëm, Ditmir Bushati ka mbërritur në pikën kufitare në Kakavijë, ku shumë qytetarë janë përplasur me të, duke i kërkuar që të ndërhyjë pasi kanë më shumë se 12 orë duke pritur për kalimin në kufi.
Por, ministri i Jashtëm ka thënë se ky problem është për shkak të një defekti në sistemin e palës greke dhe se duhet mirëkuptim, ndërsa ka shtuar se nuk ka ndërmend të bëjë avokatin e askujt:
“Të kuptojmë e të tregohemi të duruar! Pala greke ka thënë se ka rënë sistemi. Nuk do të bëj avokatin e askujt!”
Problemi ka nisur që prej orës 22:00 të mbrëmjes së djeshme, ku nuk është lejuar kalimi i asnjë qytetari shqiptar, ndërsa nga ana tjetër shtatsit grekë janë lejuar të kalojnë.
