Një 21-vjeçar kanosi me armë zjarri automatik dy vajza të reja, ku me një prej tyre ishte në një lidhje. Donald Lato, nga fshati Gjonomadh i Korçës, kishte lidhje intime me 15-vjeçaren që kanosi me armë. Dy të rinjtë janë konfliktuar me njëri-tjetrin për arsye xhelozie. Vajza, pas zënkës ka dalë e shoqëruar me shoqen e saj 20-vjeçare dhe disa persona të tjerë. Kaq ka mjaftuar, që sipas pretendimeve të vajzës, 21-vjeçari i ka kanosur me armë.
Arma nuk është gjetur ende, por policia vijon punën për zbardhjen e plotë të ngjarjes. E mitura jetonte me gjyshërit, pasi është jetime. Prindërit e saj janë vrarë në vitin 2014, në masakrën e Gjonomadhit, ku mbetën viktima 4 persona për shkak të tradhtisë.
