Kandidati për kryetar i Partisë Demorkatike, Agron Shehaj është shprehur se kandidimi i tij, ka ardhur për shkak se ai beson se kryedemokratit Lulzim Basha, nuk mund ta sjellë partinë në pushtet.
Në konferencën për mediat, Shehaj deklaroi se Basha po përpiqet ta kalojë humbjen e 25 prillit si një gjë të zakonshme. Sipas tij, Partia Demokratike duhet të ndryshojë sot, në mënyrë që nesër të jetë në gjendje që të ndryshojë Shqipërinë.
Agron Shehaj: ”Po kandidoj për kryetar të Partisë Demorkatike, sepse u binda se udhëheqja e tanishme nuk çon në fitore. Udhëheqja e tanishme po përpiqet ta kalojë humbjen e 25 prillit si një gjë të zakonshme. Kandidimi im është fillimi i projektit për një ndryshim, PD duhet të ndryshojë sot, në mënyrë që të ndryushojë Shqipëria nesër. Mosndryshimi i udhëhqejes së tanishme e PD, është humbje e sigurtë për herën tjetër. Edi Rama është politikan i korruptuar. Për ta mundur regjimin e tij, Shqipëria ka nevojë për një politikan jo si ai, por të pakorruptuar.”
Më 13 qershor, Partia Demokratike zhvillon zgjedhjet për kryetarin e ri. Përballë Lulzim Bashës, do të garojnë Edi Harxhi, Agron Shehaj dhe Fatbardh Kadilli.
