Kolegji i Posaçëm i Apelimit (KPA), ka shkarkuar nga detyra Prokurorin e Krimeve të Rënda, Artan Martini. Shkak për shkarkimin e tij, ka qenë mos justifikimi i një banesë dhe deklarimi i pasaktë i pasurisë.
Ai kishte kaluar shkallën e parë të Vettingut në KPK, por në seancën e sotme, KPA gjykoi se ai nuk justifikonte blerjen e banesës, për pasojë e shkarkoi. Martini nuk ishte i pranishëm sot në seancë, teksa ishte kandidat edhe për në SPAK.
Martini e ka nisur karrierën në sistemin e drejtësisë në vitin 1999 dhe është emëruar prokuror në Prokurorinë e Krimeve të Rënda në vitin 2004.
Në vitin 2015, Martini u transferua në Shkodër nga Këshilli i Prokurorisë së kohës, vendim të cilin ai e kontestoi për parregullsi. Në qershor 2018, Martini u rikthye në Prokurorinë e Krimeve të Rënda.
