Kandiati për kryetar i Partisë Demorkatike, Agron Shehaj ka zhvilluar paraditen e sotme, një takim me ambasadoren e SHBA-ve në vendin tonë, Yuri Kim.
Lajmin e ka bërë të ditur vetë Shehaj përmes një postimi në rrjetet sociale, teksa shtoi se takimi u realizua me ftesë të Kim.
Shehaj tha se SHBA ka qenë në krah të PD-së që në ditët e para të lindjes së saj dhe mbështeti fuqimisht ardhjen në pushtet në vitin 1992.
”Sot paradite, me ftese te saj, bisedova me Ambasadoren Amerikane Yuri Kim. Shtetet e Bashkuara të Amerikës kanë qenë në krah të PD-së që në ditët e para të lindjes së saj dhe mbështetën fuqimisht ardhjen e saj në pushtet në vitin 1992. Që atëherë, në çdo arritje të PD-së në politikë dhe qeverisje, ka qenë edhe ndihma e SHBA-ve. Kjo lidhje, mbështetur në vlerat e lirisë dhe demokracisë, do të forcohet edhe më shumë në ta ardhmen.’’, shkruan Shehaj në rrjetin social, Facebook.
