Kryeministri Rama ka paditur aktivisten Sevim Arbana, lidhur me një deklaratë të bërë prej saj në emisionion “A Show”, në janar të 2019-s.
Raportohet se Rama ka kërkuar prej saj një dëmshpërblim prej 10 mln lekësh.
Arbana akuzoi Ramën se kishte dhunuar një grua, konkretisht kishte pickuar një ministre në vitin 2013.
Biseda në emisionin “A Show”:
Sevim Arbana: Unë kam parë skena, që ia ka futur edhe me të pickuar një ministreje, grua.
Krasta: Ti e ke parë nga televizori, apo e ke parë skenën?
Arbana: Jo, live.
Krasta: Dhe je e bindur që është një pickim, dhe nuk është një…kështu gjest.
Arbana: Jo ishte pickim dhune, dhune, seç i shpëtoi asaj një fjalë dhe tëk e pickoi…tek Sheratoni ka qënë, qershor 2013.
Krasta: E mblodhi ajo zonja veten?
Arbana: Asaj i dolën dy lot, kështu i ranë dhe e mblodhi veten pastaj se ishin një javë para zgjedhjeve.
