Deputeti i PS-së, Eljo Hysko, ka reaguar pas lajmit se ka rezultuar pozitiv me koronavirus.
Përmes një postimi në Facebook, Hysko tregon se aktualisht ndodhet në gjendje të mirë shëndetësore. Ai shton se i është dashur të marrë edhe trajtim shëndetësor.
Kujtojmë se Hysko u konfirmua pozitiv me koronavirus dy ditë më parë, në të njëjtën ditë si Ralf Gjoni, Enver Roshi dhe Erion Veliaj.
Postimi i plotë:
Të dashur miq,
Ju falenderoj nga zemra për interesimin e sinqertë ndaj meje dhe familjes time pas publikimit të lajmit në media.
Fatmirësisht gjendja ime shëndetësore pas trajtimit mjekësor është shumë e mirë. Mirënjohje për punonjësit e palodhur të shëndetësisë që këto ditë përballen me rrezikun dhe punojnë për të shpëtuar jetë.
Virusi është i rrezikshëm dhe ka goxha pasoja serioze ndaj jua them nga zemra bëni kujdes vendosni maskën, ruani distancimin social dhe higjenën personale.
Le t’i japim një dorë mjekëve në punën e tyre duke u bërë edhe më të kujdesshëm në jetën tonë të përditshme.
