Kryeministri Edi Rama ka folur më konkretisht për përgjimet e nxjerra nga Bild. Duke folur në foltoren e Kuvendit, ai është ndërprerë nga deputeti Kujtim Gjuzi, i cili ka folur nga vendi për përgjimet.
Rama më tej tha se përgjimet kanë dalë për ‘koka me zbrazëti të konsiderueshme’, ndërsa shtoi se ato bisedat kanë dalë nga konteksti.
“Përgjimet po e kryejnë funksionin e tyre”, tha kryeministri duke thumbuar opozitën, që sipas tij po i përdor ato për të dëmtuar integrimin e vendit.
“Përgjimet dalin për koka me një zbrazëti të konsiderueshme, janë ekzaktësisht për këtë punë. Unë ju them të gjithë shqiptarëve, bëni një film me mendjen tuaj sikur gjithçka flisni ta shihni në tv. Çdo fjalë tingëllon ndryshe kur del nga kontekstit. S’dua të zgjatem më tej, këto përgjime po e kryejnë funksionin e tyre, në një betejë zgjedhore ku ka qenë e instaluar e gjithë PD. Jemi në kushtet kur është vendosur antena në gjithë shtabin zgjedhor të PS dhe jo mbi palën tjetër. Ç’rëndësi ka kjo, u bënë? Pse nuk u hetuan? Pse nuk u veprua? Pse nuk doli një urdhër për t’i kapur në flagrancë? Pse dolën në gjermani? Dhe pse dolën tani?”
Më tej, kryeministri tregoi hapin e radhës, teksa tha se çështjen e përgjimeve do e hedhë në gjyq në një nga gjykata gjermane duke shtuar po ashtu se bisedën e tij do e bënte prapë dhe biseda të tilla ka bërë shumë herë me drejtues të shtabit:
“Çdo shqiptar e shikon që është një sallatë e madhe aspak e këndshme fjalësh por s’ka asgjë dhe jam në proces. 4 javë është afati për të ngritur padi, unë do u drejtohem gjykata gjermane që të zbardhin të vërtetën lidhur me gjithçka është thënë në adresën time. Atë bisedë e kam bërë dhe do e bëja prapë po të kthehesha dhe biseda të tilla kam bërë 1000 herë. Ajo që shqiptarët duhet të kuptojnë është se kjo është propagandistike!”/ Tirana Today
