Në kohën kur bota po përballet me koronavirusin vdekjeprurës, Kina nga ana tjetër ka shpallur fitoren me Covid-19. Pandemia e koronavirusit shpërtheu në Wuhan të Kinës që prej muajit janar të këtij viti, e ndërsa shumë shtete duket se po rimendojnë izolimin.
Partia Komuniste e Kinës mbajti një ceremoni, për të nderuar viktimat e Covid-19. Lideri kinez, Xi Jinping deklaroi se vendi i tij kishte kaluar një “provë historike”, duke e quajtur të mbyllur luftën kundër koronavirusit.
Presidenti Xi tha se Kina veproi në mënyrë transparente gjatë gjithë shpërthimit, dhe ia doli të shpëtojë dhjetëra miliona njerëz në të gjithë botën.
Deklarata e tij bie ndesh me qëndrimin kritik nga ana e SHBA-së. Presidenti amerikan, Donald Trump, ka shigjetuar Kinën se ka fshehur të dhëna të rëndësishme lidhur me kohën kur ka shpërthyer virusi, duke i gjetur shtetet e tjera të papërgatitura për këtë “luftë”.
