Kreu demokrat, Lulzim Basha ka deklaruar se Partia Demokratike do të fillojë hetim penal për koncesionarët, ndërsa shtoi se do gjurmohet çdo burim parash.
Gjatë një konference për mediat, Basha paralajmëroi se çdo individë shtetërorë “nuk ka për t’i gëzuar paratë e vjedhura”, pasi, sipas tij, ata do të gjenden kudo që të jenë.
“Askush nuk ka për ti gëzuar paratë e vjedhura, e kam theksuar se PD dhe opozita do të fillojë hetim penal dhe auditim të gjithë koncesioneve, lejeve, kontratave të dhëna nga qeveria bandë. Do gjurmohet cdo burim parash, individ shtetëror dhe provat, në vend, në Danimarkë, Itali, Kroci, Singapor e kudo që të jenë dhe të fshihen ata dhe pasuritë e tyre në emrin e tyre apo në emra të tjerë”, theksoi kryedemokrati.
Ndër të tjera, Basha u shpreh se brenda javës së parë të shtatorit do depozitohet kallëzim penal për arkitektin danez të Teatrit Kombëtar, në prokurorinë shqiptare dhe atë daneze.
“Brenda javës së parë të shtatorit prokurorisë shqiptare dhe asaj daneze do ti depozitohet denoncimi për projektin mafioz të arkitektit danez për Teatrin Kombëtar. Kallezim penal per arkitektin e korruptuar ne funksion te vjedhjes dhe grabitjes mafioze te Teatrit Kombetar, Bjorken dhe koorporaten e tij. Edhe sa i përket mafiozëve kroatë të aferës së ramës me kasat fiskale dhe një tjetër përfshirje në një skenë gjigande korrupsioni, për arkitektin kazamonti që duket se do të marrë përsipër të njëjtën skemë korruptive të universiteti i arteve”, tha Basha.
