Në Kaliforninë Veriore në SHBA, ekziston një grup murgeshash të cilat merren çdo ditë me kultivimin dhe shitjen e kanabisit, por edhe bimëve të tjera për qëllime mjekësore. Gratë jetojnë bashkë si në çdo manastir tjetër, punojnë dhe i luten Zotit së bashku, por nuk janë të lidhura me ndonjë urdhër të caktuar fetar.
Ato quhen “Motrat e Luginës”, dhe mbështesin fuqizimin e statusit të femrave, përmes shfrytëzimit të vetive shëruese të farërave të ndryshme. Në fermën e ngritur prej tyre, gjenden gra nga shumë vende të botës, kryesisht të divorcuara. Ato e kanë zgjeruar aktivitetin e tyre, pas vitit 20016 kur në këtë shtet u legalizua përdorimi i marijuanës për konsum personal.
Murgeshat pëlqejnë në ndonjë rast pirjen e kanabisit, edhe pse ato nuk e pranojnë se janë të ndërvarura prej tij. Ferma e ngritur prej tyre, ka tërhequr vëmendjen e kompanive të mëdha amerikane. Në një vit, ato arritën të fitonin mbi 1.1 milionë dollarë. Veç kanabisit dhe kërpit industrial, ato kultivojnë edhe bimë të tjetra medicinale, duke fituar mbi 3.000 dollarë në ditë./ Tirana Today
