Pas fitores 2 me 0 ndaj Moldavisë, Shqipëria i ka mbajtur gjallë shpresat për një biletë në Euro 2020. Tre ndeshjet e radhës eliminatore do të jenë vendimtare, pasi përballemi me tre vendet e para që janë me pikë të barabarta, Francë, Islandën dhe Turqinë.
Në shtator nisin edhe ndeshjet e vërteta, pasi Shqipëria në përballjen e radhës do të udhëtojë për t’u ndeshur në Francë. Bëhet fjalë për datën 7 shtator, ndërsa vetëm tre ditë më vonë, do të presim në shtëpi Islandën.
Ndërkohë në mesin e muajit tetor, do të kemi edhe dy transferta të tjera, fillimisht me Turqinë dhe pastaj me Moldavinë. Këto kualifikuese do të mbyllen në nëntor, me kryendeshjen Shqipëri-Francë.
