Kreu i PDK-së, Kadri Veseli ka vizituar mbrëmjen e sotme presidentin Hashim Thaçi, i cili ndodhet në spital.
Përmes një postimi në Facebook, Veseli thotë se i ka uruar atij një rikuperim sa më të shpejtë. Veseli tha se presidenti i Kosovës do t’i kthehet shpejt familjes dhe punës në kryerjen e detyrave shtetërore
“Gjatë vizitës që i bëra sot pasdite i urova mikut tim të çmuar rikuperim sa më të shpejtë. Falënderova edhe stafin shëndetësor të Klinikës së Urologjisë në QKUK për profesionalizmin dhe kujdesin e treguar ndaj Presidentit Thaçi, i cili do t’i kthehet shpejt familjes dhe punës në kryerjen e detyrave shtetërore”, shkruan ai në postimin e tij.
Presidenti i Kosovës, Hashim Thaçi iu nënshtrua pasditen e sotme një operacioni për gurët në veshka. Personeli mjekësor në Shërbimin Spitalor Kliniko-Universitar të Kosovës bën me dije se operacioni ka qenë i suksesshëm.
