Fatbardh Kadilli, ish-kandidat për kreun e Partisë Demokratike, ka reaguar pasi u la jashtë Kryesisë, në mbledhjen e ditës së djeshme. Dje PD mbajti mbledhjen e Kryesisë ku u zgjodhën sekretarët dhe krerët e komisioneve parlamentare. Kadilli i njohur si një nga rivalët e Lulzim Bashës për kreun e PD-së e ka ironizuar, duke thënë se ‘nuk është rastësore kjo lojë luftash’.
Kryedemokrati Lulzim Basha, ka futur në forcat drejtuese të gjithë njerëzit e tij të besuar. Në krye të tyre janë vënë emrat më të spikatur të PD-së, që nga Tabaku e Vokshi e deri të prurjet e reja në parti, si Agron Gjekmarkaj.
Kupola e re drejtuese e Partisë Demokratike do të përbehet nga Jorida Tabaku, e cila do të mbajë postin e nënkryetares përgjegjëse për marrëdhëniet me jashtë dhe Grida Duma, nënkryetare përgjegjëse për marrëdhëniet me shoqërinë civile. Deputet i Tiranës, juristi Alfred Rushaj, do të jetë kryetar i Grupit Parlamentar, ndërsa nënkryetarë të Grupit Parlamentar të Partisë Demokratike do të jenë Ervin Salianji dhe Luçiano Boçi. Në detyrë është rikonfirmuar Sekretari i Përgjithshëm Gazment Bardhi, i cili e ka mbajtur edhe më parë këtë post. Edi Paloka që ka mbajtur postin e nënkryetarit të PD tashmë do të jetë kryetar i Këshillit Kombëtar të Partisë Demokratike. Drejtuesi politik i Qarkut të Fierit Enkelejd Alibeaj, do të jetë nënkryetar i Kuvendit, deputetja e zgjedhur, Flutura Açka do të mbajë postin e kryetares së Komisionit të Apelimit, Integritetit dhe Etikës, ndërsa Jemin Gjana, kryetar i Komisionit Zgjedhor.
Statusi
“Topi është i imi, penalltin e gjuaj vetë”,
Ngjashmeria me filmin për fëmijë që bëjnë lojë luftash nuk është rastësore”, shkruan Fatbardh Kadilli në një postim në Facebook.
