Presidenti i SHBA-së është sot njeriu më i mbrojtur në botë. Dikur këtë status e kishte mafiozi italo-amerikan Al Kapone. “Cadillac Town Sedan V8” e vitit 1928, që i përkiste gangsterit të njohur, figuron të jetë makina e parë e blinduar në histori.
Aq e vërtetë është ajo, sa në vitin 1941, shërbimi sekret përdori këtë makinë për të transportuar për disa ditë presidentin Frenklin Ruzvelt. Kadillaku u ble nga Al Kapone, dhe u modifikua sipas udhëzimeve të tij.
Makina është ende sot pas 92 vitesh në gjendje shumë të mirë. Xhamat janë 2.5 cm të trashë, ndërsa ata anësorë mund të ulen pak më shumë se normalja.
Edhe xhami i pasmë mund të ulet, pasi kështu i jepte mundësi truprojave të Kapones të hapnin zjarr ndaj atyre që mund t’i ndiqnin.
Kabina është e veshur me fletë çeliku, dhe në total pjesa e blinduar peshon 1400 kg. Kjo makinë ka përshkuar vetëm 1788 kilometra. Kjo pasi në vitin 1931 Kapone u dënua dhe kaloi 8 vite në burg. Kadillaku u rishit për 1 milionë dollarë, në një ankand të zhvilluar në fillim të këtij viti.
https://www.youtube.com/watch?v=MvoXowIOR7Q
Tirana Today
