E hënë, 6 Dhjetor, 2021
11.5 C
Tirana

“Ka të shkuar kriminale”, deputetja e PD-së fsheh ndryshimin e emrit të babait

Në KQZ është depozituar një ankesë për deputeten Elda Hoti, pasi pretendohet për fshehjen e emrit të të atit të saj. Kjo ankesë lidhet me fshehjen e emrit të babait të saj, nga David Hoti në Artan Hoti.

Dokumentet të cilat mbajnë datën 13 tetor 2021, janë dorëzuar në adresë të kreut të KQZ-së, Ilirjan Celibashit, si dhe kryetares së Kuvendit Lindita Nikolla, drejtuesit të SPAK si edhe ambasadorëve të SHBA dhe BE në Tiranë. Pretendohet se deputetja Elda Hoti ka shkelur ligjin për dekriminalizimin, dhe konsumuar vepër penale.

Deputetja, në vetëdeklarimin e saj ka fshehur ndryshimin e emrit të babait të saj nga David Hoti, në Artan Hoti. Ky ndryshim është bërë në datën 30 prill 2002, dhe ajo nuk e ka deklaruar në formularin e vetëdeklarimit. Nëse vërtetohet kjo ankesë, Hoti rrezikon të humbasë mandatin, për shkak të ligjit të dekriminalizimit.

“Kjo deputete në vetëdeklarimin e saj ka fshehur ndryshimin e emrit të babait të saj nga David Hoti, në Artan Hoti. Ky ndryshim është bërë më datë 30 prill 2002 dhe kandidatja për deputete znj. Elda Hoti nuk e ka deklaruar në formularin e vetëdeklarimit. Duke fshehur këtë të dhënë te gjeniralitetet e saj, znj. deputete nuk mund të përfaqësojë komunitetin në parlamentin shqiptar. Kjo deputete përse e ka fshehur këtë ndryshim, e ka harruar, apo babai i saj ka pasur një të shkuar kriminale ku është dënuar për disa vepra të rënda penale, si ajo e trafikimit të lëndëve narkotike dhe trafikim të qenieve njerëzore”, thuhet në akimin e dorëzuar në KQZ.

- Reklama -

Më shumë nga kategoria




Të fundit

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...