Pas prezantimit të raportit të kreut të SPAK, deputeti socialist Pandeli Majko kërkoi informacion si është vepruar në rast të një rrjedhje të sekretit hetimor. Kreu i SPAK, Arben Kraja u shpreh se nuk ka kompetencë për rrjedhjen e sekretit hetimor. Majko u ndal edhe tek qëndrimi i SPAK për shpalljen “non grata” të një zyrtari të lartë apo si është vepruar në rast të një rrjedhje të sekretit hetimor. Kraja u tregua i rezervuar dhe tha se për shpalljen “non grata” nuk jep përgjigjie, pasi e kanë të ndaluar me ligj të flasin për vendime të institucioneve të tjera.
DISKUTIMET:
Pandeli Majko: Numri i procedimeve penale është i ulët. Cilat janë masat që keni marrë kur keni pas rrjedhje të sekretit hetimor? Si e ka çmuar nga këndvështrimi i kompetencave ligjore shpalljen “non grata” të një zyrtari ligjor? A keni mekanizëm për koordinimin e institucioneve ligjore? Nuk ka informacion të plotë për çështjet administrative, a keni ju një metodologji prioritetesh në punën tuaj. Raporti nuk qartëson edhe qëndrimet ndaj ndërkombëtarve të SPAK.
Arben Kraja: Numri i veprave penale janë të detajuara në tabela. Pa diskutim opinionin e partnerëve apo Kuvendit e vlerësojmë për të ndërtuar punën tonë në sensin e prioriteteve, kodi i procedurës penale detyron ndjekjen për çdo rast.
Për çdo kallëzim, prokurori është i detyruar të japë zgjidhje ligjore. Ata janë të pavarur në bazë të ligjit, prioritete kanë të bëjnë dhe me ngarkesën apo personat e arrestuar. Rrjedhja e sekretit hetimor nuk është në kompetencën tonë. Nuk kemi pasur hetim konkret përjashtuar vetëm një rast, që është në gjykim sot. Kësaj pyetjes për shpalljen “non grata” nuk të jap përgjigje, se kemi të ndaluar me ligj të flasim për vendime të institucioneve të tjera.
