Kandidati i Partisë Socialiste për bashkinë e Pogradecit, Ilir Xhakolli ka reaguar pas akuzës së ish-kryeministrit Berisha, se ai është arrestuar në Qafë Thanë për kontrabandë.
Në mesazhin e publikuar nga Berisha, thuhej se Xhakolli është liruar brenda 24 orësh me ndërhyrjen e kreut të grupit parlamentar të PS-së Taulant Balla.
Kandidati socialist ka përgënjeshtruar lajmin, ndërsa akuzon Berishën se është në “fazën e fundit të çmendurisë”.
Reagimi i plotë:
Sinqerisht me vjen keq për ju Sali Berisha. Një njeri në moshën tuaj dhe me funksionet që ka pasur, të arrijë në këtë derexhe. Por këtej nga anët tona thonë: Kur njeriu kalon në fazën e fundit të çmendurisë, fillon ha prej për dheri (çfarë të gjejë)
Një këshillë miqësore kam për ty, para se të publikosh diçka pyet paraprakisht sepse u bëre gazi i botës dhe pogradecarët janë duke u tallur me ty.
Nuk do reagoja kundër shpifjes tuaj të ulët, por e kam detyrë morale të informoj qytetarët e Pogradecit. Gjendja juaj mjerane tregon edhe njëherë se 30 Qershori ndan shapin nga sheqeri, midis një politike të vjetër dhe shpifëse dhe politikës tonë për ti dhënë fund njëherë e përgjithmonë kësaj situate në 30 Qershor!
Akuza e fortë/ Berisha: Arrestohet kandidati i PS-së, Balla e liron pas 24 orësh
