Iker Casillas pas sulmit në zemër që pësoi pak javë më parë ka marrë vendimin për të ardhmen e tij. Ai tashmë ka vendosur që do tërhiqet nga futbolli në fundin e sezonit edhe pse sapo kishte rinovuar me skuadrën e Portos. Gardiani spanjoll bisedoi me drejtuesit e klubit të Portos, teksa u vendos që portieri t’i jepte fund karrierës së tij, edhe pse kishte ende 1 vit kontratë.
37-vjeçari vendosi të mos rrezikojë me shëndetin e tij, ndërkohë mësohet se drejtuesit e klubit portugez i kanë ofruar një post drejtues.
Ceremonia e lamtumirës së gardianit pritet të bëhet pas datës 25 maj, në finalen e Kupës se Portugalisë, që Porto do të luajë ndaj Sportingut të Lisbonës. Nga ana tjetër edhe klubi i Portos ka dalë në një njoftim se është duke kërkuar një zëvendësues për Casillas.
