Kryetarja e LSI-së, Monika Kryemadhi, ka shpërthyer në akuza shumë të forta ndaj Lulzim Bashës, teksa ka qenë e ftuar në emisionin “Të Paekspozuarit”. Ajo ka thënë opozita u tradhtua nga Lulzim Basha në zgjedhjet e fundit parlamentare, pasi i ka dorëzuar Ramës 4 mandate që duhet t’i merrte LSI-ja, duke ia “vjedhur” kësaj partie.
“A e dini që 4 mandate të LSI-së i kanë shitur numëruesit e Bashës? Kanë ndërruar fletët e votimit në kuti. Numëruesi, kryekomisioneri i PD-së në KZAZ e Beratit ishte djali i tezes së Engjëll Agaçit, kushëri i Bashës.
Më 25 prill, 4 mandate ia vodhi PD-ja-LSI-së dhe ia dha PS-së. I vodhi në tavolinë fletët e votimit. Ti shkon për të bërë një gjë të mirë, dhe njerëzit ta fusin sa krahu.
Ka bërë pazar me gjakun e LSI-së. E kam thënë që në nëntor unë këtë. Po pse kush ia futi Sali Berishës? Nuk ia futi këlyshi i vetë? Këlyshi u bë buçe dhe e shqeu”, tha Kryemadhi.
