Juventusi është gati për Monacon. Në 20:45, ekipi i Alegrit vihet përballë ekipit të kapiten Falcaos.
Alegri ka kohë që e pret një shans të tillë dhe ekipi i tij është gati që ta shfrytëzojë. Monaco ka treguar se është e denjë për këtë fazë, pasi ka eliminuar Manchester Cityn dhe Borusia Dortmund për të arritur në gjysmëfinale.
Juventus, nga ana tjetër, mposhti me pak sforco Porton dhe pak më me lehtësi Barcelonën. Juventus tenton të paktën të shënojë në mbrëmjen e sotme, barazimi ose fitorja do ishte shkëlqyeshëm për ekipin italian.
Monaco ditën e martë do të udhëtojë në Itali, ku në “Juventus Stadium” do të përballet me Juventusin për ndeshjen e dytë të fazës gjysmëfinale. Të martën e ardhshme vendoset finalisti i parë dhe të mërkurën tjetër finalisti i dytë, që 93% është Real Madrid, sipas “AS”.
