Politikani Neritan Ceka, teksa ka qenë i ftuar ne emisionin 360 gradë, ka shpërthyer në mallkime të forta, duke thënë se shqiptarët nuk duhet të shkojnë të votojnë më 30 qershor, por duhet të mendojnë mirë se cili është shteti që ata duan.
Ai iu përvesh Ramës, duke thënë se janë gati që të na kthejnë tek kooperativat bujqësore. Mjaft i revoltuar, Ceka nuk është përmbajtur, teksa citoi se ajo votë do vidhet.
“Problemi është se nëse ne bëjmë a s’bëjmë zgjedhje në 30 qershor, – unë jam me Lefter Maliqin, në kuptimin e njëlloj edukate, – duhet të mendojmë edhe atë hapin e katërt: A do të ketë shtet në këtë vend, apo do të vazhdojmë rrëmujë?!
Pra, duhet ca burra, sepse gjithmonë përfundon me këtë që atje ka një hordhi që shkon pas të parit, dhe pas saj shkon edhe vendi në katastrofë.
Besoj se në këto raste duhen ca burra, siç është juristi, zonja, siç je ti, Lefter Maliqi të mblidhemi dhe të themi: Cila është Shqipëria që duam? Sepse nuk është Shqipëria që duan katundarët e Rilindjes! Ata janë gati të na kthejnë tek kooperativat bujqësore”, tha Ceka.
Zheji: Neritan Ceka po bën ftesë për një parti të re?
Ceka: Jo parti. Jam kundër partive, të mblidhen dhe të themi: zotërinj, shqiptarë, në 30 qershor ju vraftë Zoti nëse shkoni në votime. Jeni të marrë dhe ju vraftë Zoti!
E kam të drejtë se unë me shokë te mi e kam dhënë këtë votë që duan ta shpërdorin, i zëntë bukën e kalamajve! Në dhjetor edhe unë kam pas kalamaj, ai që shkel mbi votën iu qërofshin sytë, nuk di çfare mallkimi tjetër të them.
Denonco ne TT