Pak çaste më parë ka përfunduar Konferenca e Kryetarëve, e cila nisi rreth orës 08:00. Burime pohojnë se është miratuar me konsensus kërkesa e mazhorancës për zhvillimin e nje mocioni me debat për shkarkimin e presidentit Meta. Debati do të zgjas për plot 5 orë. Kjo do të jetë pika e parë e rendit të ditës, për seancën e kesaj të enjteje.
Kjo seancë vjen pas vendimit të Metës për të ç’dekretuar dekretin për zgjedhjet e 30 Qershorit, dhe pritet që debati parlamentar të konsistojë rreth kësaj teme.
Burimet bëjnë me dije se kërkesa është miratuar me konsensusin e të gjitha palëve që merrnin pjesë në këtë mbledhje.
Ndërkohë Kushtetuta parashikon se Presidenti mund të shkarkohet me shumicë të cilësuar parlamentare prej 94 deputetësh. Por që kjo nismë të arrijë planin final të mazhorancës për shkarkimin e Metës, duhet të shprehet Gjykata Kushtetuese e cila momentalisht është jo funksionale.
