Ish-kryeparlamentarja Jozefina Topalli nuk ka qenë pjesë e takimit të radhës të ish-kryeministrit Sali Berisha në Shkodër. Dje u mbajt një aktivitet në Shkodër me rastin e 31-vjetorit të themelimit të PD, ku Berisha ishte organizuesi. Ndonëse i ka dalë në mbështetje, Topalli nuk shkoi në këtë takim.
Ndërkohë dje, me anë të një postimi në rrjetet sociale, Topalli ka sulmuar kreun demokrat Lulzim Basha. Topalli shprehet se Basha për t’u mbrojtur nga demokratët që dikur e kanë mbështetur, kërkoi ndihmën e kryeministrit Edi Rama dhe policisë. Sipas kryeparlamentares, Shkodra kërkon që Basha të largohet, duke iu referuar kështu takimit të ish-kryeministrit dhe thirrjeve për të larguar Bashën nga PD-ja.
Ja se çfarë shkruan Topalli:
Monument, qe ruhet nga shteti!
Sot ishte dite me diell, por lb doli me cader, per t’u mbrojtur nga vezet qe mund t’i hidhnin njerezit e tij.
Pas kerkeses se Lulzimit, edhe sot, Edi Rama urdheroi police nga Fieri dhe nga Vlora per te ruajtur Lb nga njerezit e tij.
Kjo qe ndosh tek ne eshte unike ne bote
Ka deshtuar cdo kauze; ka shitur (humbur) cdo zgjedhje; ka perjashtuar cdo kontribut; ka djegur mandate; ka bojkotuar zgjedhje; ka kercenuar per moslejim te zgjedhjeve edhe te tjeret; ka perjashtuar me vendim personal liderin historik te PD; ka vrare voten; nuk ka lejuar debatin; ka manipuluar cdo votim per te kryetar brenda Partie; ka bere marreveshtje finaciare me kundershtarin; eshte shkarkuar nga anetaresia me 4500 delegate dhe 45 mije anetare; i ka mbyllur deren deputeteve te PD; i shperthen zyren te rinjve; vendos dyer te blinduara, qe anetaresia te mos hyje ne shtepine e saj; rrah me shkopinj kazmash militantet e force se tij; i hedh gaz me keq se kundershtari; fut ne seli njerez me maska dhe arme; shton kater vila vetem per vitin elektoral; mban karrigen me policine e Rames… e thote une po sakrifikoj per ju!
Ky eshte monument i turpit, qe ruhet nga shteti!
Nderkohe ne Shkoder i gjithe pallati i Sportit therret: Basha ik!
Ish-kryeministri Sali Berisha ka zhvilluar një takim me demokratë dhe intelektualë në Shkodër. Gjatë fjalës së tij, lideri historik i demokratëve iu bëri thirrje demokratëve që mbështesin Bashën, që të heqin dorë nga ai sepse ai “është turpi i dheut”. Të njëjtën thirrje, Berisha e pati edhe për deputetët ndërsa shtoi se Bashën e “pret vrima e miut nga ky revolucion që nuk ka të ndalur”.
