Duket se kryeministri britanik, Boris Johnson e ka ndarë mendjen për shkëputjen e Mbretërisë së Bashkuar nga Bashkimi Evropian.
Sipas Reuters, Johnson u ka shkruajtur të gjithë punonjësve të qeverisë të premten duke iu komunikuar se përgatitja për një dalje pa marrëveshje nga Bashkimi Evropian është përparësia e tij dhe e tyre kryesore.
Johnson u ka premtuar votuesve se Britania do të largohet nga BE më 31 tetor me ose pa një marrëveshje. Ai ka kërkuar gjithashtu, që Brukseli të heqë pjesë të marrëveshjes ekzistuese të propozuar, në lidhje me kufirin irlandez dhe të negociojë një marrëveshje të re të daljes.
Por BE është e bindur që kushtet ligjore të marrëveshjes nuk mund të rishkruhen, duke rritur pritjet midis politikanëve dhe tregjeve financiare që Britania është drejtuar për një divorc të pakontrolluar nga blloku në më pak se tre muaj.
“Unë do të preferoja shumë të largohesha me një marrëveshje, por duhet të hiqet marrëveshja anti-demokratike për kufirin irlandeze, e cila ka pasoja të papranueshme për vendin tonë”, shkruhet në e-mailin e Johnson të siguruar nga Reuters.
