Ish-sekretari për Sigurinë Kombëtare në administratën e Trump, John Bolton së fundmi ka bërë një deklaratë mjaft të fortë.
Ai u shpreh se ideja e shkëmbimit të territoreve është propozuar nga liderët e Kosovës dhe Serbisë.
“Në rastin e Kosovës dhe Serbisë, kishte të dhëna, që në 2018, se liderët donin t’i zgjidhnin çështjet sepse e panë se nuk mund të kishin pavarësi ekonomike dhe stabilitet derisa marrëdhëniet e tyre të normalizoheshin.
Një nga gjërat që ata po diskutonin ishte mundësia e shkëmbimit të territoreve.
Në vende të Ballkanit, në Gjermani dhe në Europën Perëndimore kjo shihej me druajtje sepse kishin frikë se shkëmbimi i territoreve mund të çonte në këtë praktikë edhe në vende të tjera.
Kjo ndodh në histori. Është diçka që duhet të jetosh. Ju do të më thoni se nëse Kosova dhe Serbia do të kishin rënë dakord për shkëmbimin e territoreve, një pjesë e Europës do të thoshte jo.
Jo, kjo nuk është e pranueshme për ne, ne do ta refuzojmë këtë zgjidhje, mendoj se kjo do të ishte e paimagjinueshme.
Tani, ka shumë rrugë deri atje, sepse pengesa të reja kanë dalë kohët e fundit”, tha Bolton, shkruan “A2”.
