Ndodhemi në Kamëz në shtëpinë e z. Bilbil Ndoci, i cili prej vitesh jeton jashtë Shqipërisë. Në prill të vitit 2020, Bilbil Ndoci është mbifaturuar nga OSHEE.
Edison Ndoci, nipi i tij, tregon se xhaxhai nuk jeton aty dhe që kur është lidhur kontrata e energjise elektrike, është paguar vetëm tarifa e shërbimit 340 lekë. Në muajin prill 2020 vjen një faturë prej 560 mijë lekësh të vjetra.
Pas ankesës bëhet një akt- ekspertimi dhe sërish shënohet gabim faturimi i energjisë. Bëjnë sërish ankesë, por asnjë zgjidhje, duke bërë që detyrimi të shkojë në 1 milionë e 200 mijë lekë të vjetra.
Ne iu drejtuam Drejtorisë së përgjithshme të OSHEE-së, dhe pas verifikimeve na u tha se zotëria është mbifaturuar gabim.
Përgjigjja që na u dha është se të gjitha do të zbriten dhe Bilbil Ndoci nuk do të ketë më asnjë shumë për të paguar. / tvklan
