E pranishme në ceremoninë e inaugurimit të Memorialit të viktimave të regjimit komunist ka qenë dhe mbesa e një prej viktimave të komunizmit, Niko Karafili, eshtrat e të cilit ende nuk janë gjendur.
Stela Karafili i ka kërkuar sot liderit të opozitës, Lulzim Basha që të ndërrojë ligjin e të persekutuarve.
“Ndërroni ligjin zoti Basha, ndërroni ligjin! Bëni një projektligj sepse unë kam lind në 1989 brezi i tretë i persekutuarve. Jetoj jashtë shtetit, kam ardhur me pushime, por nuk gjendem në vendin tim. Mbase nuk është momenti i duhur por kërkoj një përgjigje për qytetarinë. Në qoftë se doni të hyni në histori, duhet të ndërroni ligjin”, tha ajo.
Ndër të tjera, ajo rrëfeu pak nga historia e gjyshit të saj, teksa thotë se Niko Karafili ishte i arsimuar dhe me 4 fakultete në Francë, ndërsa në vitin 1952 ai u pushkatua mizorisht nga regjimi komunist.
