Pas masave të shtetrrethimit që lajmëroi presidenti Vuçiç, për shkak të përhapjes së koronavirusit, mbrëmjen e djeshme në Beograd nisën protestat.
Mijëra qytetarë zbarkuan në sheshin e Beogradit, pasi ata nuk pranojnë kurrsesi që të izolohen sërish.
Serbia është përfshirë nga një tjetër valë e COVID-19, dhe numri i të infektuarve sa vjen e rritet. Me flakadanë dhe shashka, protestuesit rrethuan Kuvendin e Serbisë e ndërsa e kanë sulmuar atë.
Një tjetër kërkesë që kanë protestuesit që mbështeten edhe nga Opozita e vendit është dorëheqja e Vuçiç.
“Dorëheqje! Dorëheqje!”, dëgjohen të bërtasin ata, ndërsa policia ka përdorur edhe gaz lotsjellës për të shpërndarë turmën.
Forcat policore përdorën gazin lotsjellës, në përpjekje për të parandaluar pjesëmarrësit në tubim të hynin në Kuvendin e Serbisë.
Gazi lotsjellës shpërndau njerëzit, por vetëm për pak minuta. Ata u rikthyen në Kuvend përsëri, ku u përplasën me policinë. Disa prej tyre u arrestuan, ndërsa disa të tjerë u plagosën.
