Ministri i Brendshëm, Sandër Lleshaj ka folur sot në foltoren e Kuvendit lidhur me grabitjen në Rinas.
Lleshaj tha se ky incident cenoi sigurinë kombëtare, por nuk mund të themi se ajo ka rënë.
Po ashtu, ministri iu përgjigj Ralf Gjonit, i cili i përmendi Lleshajt dorëheqjen pasi ngjarjes së rëndë.
“Meqë më përmendët dorëheqjen… Po ju them se nuk kam luftuar asnjë ditë të jetës time për këtë post dhe nëse do largohem nuk do kem asnjë brengë, mjafton të largohem me dinjitet. Por ky është një vendim që e marr unë dhe e gjykoj personalisht unë se kur duhet marrë. Ne do vijojmë betejën ndaj luftës së organizuar e cila na hapi derën për të hapur negociatat me Bashkimin Evropian”, tha ndër të tjera Lleshaj.
