Menjëherë pas deklaratave të Dhomës Amerikane të Tregtisë, të cilët vunë në dukje se korrupsioni po pengon investimet e huaja, ka reaguar kreu i PD-së Lulzim Basha.
Nëpërmjet një reagimi në rrjetin Twitter, Basha vuri në dukje potencialin e vendit tonë për investime dhe vlerësoi objektivitetin e treguar nga Dhoma e Tregtisë përsa i përket korrupsionit. Sipas tij, fajtori kryesor mbetet kreu i qeverisë Edi Rama.
“Dhoma Amerikane e Tregtisë ka konstatuar (pa asnjë surprizë) se korrupsioni është problemi kryesor që e lë pas Shqipërinë në fushën e investimeve të huaja. Është korrupsioni në nivelet më të larta që në mënyrë të pafalshme po i vjedh të ardhmen vendit tonë. I njëjti institucion i respektuar vlerësoi po sot potencialin e jashtëzakonshëm të Shqipërisë për të thithur investime. Por ky potencial për zhvillim po shkatërrohet nga një qeveri që në gjenezën e saj ka kapjen e shtetit dhe korrupsionin”, shkruan Basha.
