Kryetari i Komisionit të Zgjedhjeve në PD, Jemin Gjana, ka konfirmuar mandatin e tretë të Lulzim Bashës në krye të selisë blu. Në një prononcim për mediat, ai tha se procesi është mbyllur me sukses, dhe se Basha ka fituar me 32 882 vota. Lulzim Basha është shpallur fituesi i zgjedhjve në PD, duke marrë një mandat të tretë për drejtimin e partisë.
“Misioni zgjedhor i PD-së sapo ka përmbyllur procesverbalin e deklarimit të rezultatit përfundimtar zyrtar. Kemi administruar 76 kuti në të gjithë vendin. Në prani të komisionit janë hapur një e nga një kutitë.
Nga procesverbalet, rezulton që në të gjitha rastet, komisionerët kanë firmosur dhe përfaqësuesit e kandidatëve në garë që kanë pasur atje në përfaqësim. Bazuar në të dhënat zyrtare, rezulton se në 75 mijë anëtare të PD-së, kanë votuar 41 mijë anëtarë.
Vota të pavlefshme kanë rezultuar 413, të vlefshme 40 mijë vota, të ndara sipas kandidatëve në garë. 781 anëtarë kanë votuar për Fatbardh Kadillin, 983 për Edith Harxhin. Për Agron Shehaj, 6038 anëtarë, 32 882 anëtarë kanë votuar për Lulzim Bashën. Komisioni Zgjedhor, bazuar në këto të dhëna, shpall zyrtarisht fitues të garës Lulzim Bashën”, tha ai.
Rezultati
Fatbardh Kadilli: 781 vota
Edith Harxhi: 983 vota
Agron Shehaj: 6038 vota
Lulzim Basha: 32.882 vota
