Ish-deputeti i Partisë Demokratike, Klevis Balliu ka deklaruar se në 30 qershor do të bëhet gjithçka për të mos lejuar zhvillimin e zgjedhjeve të 30 qershorit.
I ftuar në “Rtv Ora”, Balliu u shpreh i bindur se PD do të pengojë rikthimin e votimeve të Enver Hoxhës.
“Të dielën do të bëhet gjithçka për të mbrojtur demokracinë dhe pluralizmin në këtë vend. Nuk do të lejojmë as Edi Ramën dhe askënd të rikthejë votimet e Enver Hoxhës. Ne jemi më të fortë dhe më të bashkuar se kurrë sot”, tha Balliu.
Sa i përket vendimit te presidentit Meta për anulimin e zgjedhjeve të 30 qershorit, ish-deputeti tha se ushtroi kompetencat kushtetuese dhe ligjore.
“Presidenti ushtroi kompetencat kushtetuese dhe ligjore, por PD dhe opozita është e qartë sa i përket çështjes së zgjedhjeve të lira dhe të ndershme. Zgjedhje të lira nuk mund të ketë për sa kohë kryeministër është Edi Rama.
Kriza politike dhe ekonomike nuk është një çështje date, por është një përplasje mes votës së lirë dhe atyre që kërkojnë rikthimin e votimit të Enver Hoxhës”, deklaroi ish-deputeti demokrat.
