Pas incidentit që ndodhi me studentët e Fakultetit të Ekonomisë, pedagogë dhe studentë janë mbledhur para fakultetit dhe kërkojnë që Policia të marrë masa ndaj ngjarjeve të tilla.
Pedagogu Rezart Prifti u shpreh se Policia e Shtetit nuk mban përgjegjësi për rastin e ditës së djeshme, ku një grup ka hyrë brenda godinës dhe u konfrontuan me disa studentë.
“Policia e shtetit nuk mban përgjegjësi. Policia e Shtetit nuk merr përsipër ngjarjen. Një grup ka hyrë në klasë duke u konfliktuar me studentët. Studentët janë kërcënuar nga grupi prandaj nuk flasin”, u shpreh pedagogu.
Sherri u shënua në ambientet e godinës ‘Liria’, teksa studentët kanë qenë duke zhvilluar mësim, për arsye se fakulteti po rikonstruktohet.
