Regjisori Edmond Budina ka reaguar sot në lidhje me shkrimin që kryeministri Edi Rama i dedikoi një ditë më parë.
Në një intervistë për News24, Budina shprehet se kreu i qeverisë e ka ironizuar në deklaratën e tij.
Budina flet për kohën kur ai dhe Rama themeluan PD bashkë, duke theksuar se qëndrimet e tyre janë mjaft të ndryshme. Sipas tij, në ngritjen e partisë së re Rama kërkoi që të varen të gjithë komunistët.
Regjisori e cilëson shembjen e teatrit kombëtar si një skenë krimi, pa asnjë alibi për autorët.
“Më duket ironi ajo shprehja që përdor ai, por nuk më shqetëson ky fakt. Ai më kujton edhe partinë që unë kam themeluar. Nuk e kam personale me ta, as me Ramën dhe as me Veliajn. Ai flet për PD që e themeluam bashkë, e di ai si tentoi të hynte në atë parti, ngriti zërin dhe kërkoi që të varen të gjithë komunistët, kështu tha duhet të fillojë një parti e re. Por unë kam tjetër formim, e respektoj vendimin e tjetrit.
Këtë shprehjen e përsëriti edhe te stadiumi Qemal Stafa më vonë, por unë nuk mund të jem me të, është zgjedhja e tyre se si të majtët kanë zgjedhur një njeri që do të varen komunistët. Ai shkatërroi një teatër, e ktheu këtu në skenë krimi dhe nuk ka asnjë alibi.
Kur ishte kaq i rrënuar ky teatër si ka mundësi që u rrezikuan jetët e spektatorëve? Pra je bashkëkriminel. Cilat janë të mirat që a sjellë? Mbyllja e Galerisë së Arteve? Rrogat e aktorëve që ka të përkohshme? Që s’ka asnjë financim për filmin? Që një pension special mund ta firmosë vetëm ai?”, tha ai.
