Në një deklaratë për mediat, ministrja Ogerta Manastirliu pohoi se java e 46-të e pandemisë që nga fillimi, ka regjistruar numrin më të lartë të personave që kanë humbur jetën për shkak të koronavirusit. Sa i përket shifrave të të infektuarve, ajo thotë se incidenca e infektimit në Shqipëri është më e ulëta në rajon.
Ministrja e Shëndetësisë, në komunikimin me median për rimbursimin e paketës bazë të trajtimit ambulator për pacientët e diagnostikuar me COVID 19, u shpreh se do të përfitojnë të gjithë, të siguruar ose jo.
“Paketa synon që të mbështesë ato familje, apo individë që janë me Covid. Paketa është universale, përfitojnë të gjithë nëse janë të siguruar apo jo. Është një paketë që është e financuar edhe në terma afatmese, nuk është vetëm për këto dy muaj, por edhe për vitin 2021”.
