Shëndetësia japoneze ka dhënë shenjat se po shkon drejt kapitullimit. Teksa numri i të infektuarve po njeh shifra gjithnjë e në rritje, spitalet nuk kanë më kapacitetet për të pranuar pacientët.
Japonia është gjunjëzuar nga koronavirusi, ndërsa kanë dalë në pah shumë problematika. Japonisë i mungojnë shtretërit e mjaftueshëm spitalorë, punëtorët mjekësorë ose pajisjet. Në fillim u duk sikur Japonia e kishte mbajtur nën kontroll shpërthimin, duke shkuar pas grupimeve të infeksioneve në vende specifike.
Përhapja ka nxjerrë në pah dobësitë themelore të kujdesit mjekësor në Japoni, e cila është vlerësuar prej kohësh për sistemin e saj të sigurimit me cilësi të lartë dhe kostot e arsyeshme.
Ndodhur në këto kushte krize, spitalet në Japoni po i largojnë gjithnjë e më shumë pacientët e sëmurë, pasi vendi lufton me rritje të numrit të infektimeve.
Lidhur me këtë situatë kaotike, ekspertët fajësojnë paaftësinë e qeverisë dhe mungesën e mjeteve mbrojtëse dhe pajisjeve.
