Sekretari i Përgjithshëm i LSI, Endrit Braimllari shprehet se qeveria e shikon fermerin si një mjet për të vjelur dhe jo për si bashkëpunëtor në zhvillimin ekonomisë.
Përmes një postimi në rrjetin e tij social ‘Facebook’, thekson se fermerët janë lënë në harresë, teksa shton se investimi në zonat bujqësore është një mundësi e mirë për të hapur vende pune.
“Fermerët nuk shikohen nga kjo qeveri si baza e ekonomisë por janë te lënë ne harrese.
Ne zona te tilla bujqësore investimi ne bujqësi është një mundësi e mire për te hapur vende te reja pune dhe për ta orientuar shoqërinë te punoje dhe investoje ne ketë vend.
Politika e kësaj qeverie është klienteliste, nuk subvencionohen fermerët dhe nuk favorizohet prodhimi vendas.
Qeveria e shikon fermerin si mjet për ta vjelur dhe jo si bashkëpunëtor për zhvillimin e ekonomisë”, shkruan Braimllari.
