Selami Jenishehri, kreu i Partisë së Pensionistëve është betuar një ditë më parë në parlament, duke u bërë kështu deputeti më i ri. Ai është betuar pikërisht në ditën që ka mbushur 77 vjeç.
në emisioni ‘Të paekspozuarit’ Jenishehri ka thënë se është shumë i lumtur që është bërë pjesë e Parlamentit, madje ka treguar dhe se është rritur jetim.
“Jam rritur me sakrifica të jashtëzakonshme. Jam rritur jetim. Kam mbaruar për matematikë dhe fizikë. Kam pasur role të veçanta në parti, kam qenë drejtues i Partisë Demokristiane. Kisha emocion të madh dhe kjo është dita më e lumtur , sot që kam mbushur 77 vjet. Unë sot u ula në karrigen e deputetit Fatmir Mediut.
Partia fillimisht ka lindur me një drekë në lokal. Aty mblidheshin njerëz të mirë. Atëherë mendova se do të bëj një parti që t’ju dalë zot pensionistëve. Kam ndihmuar pikërisht pensionistët me sa kam mundur. Prandaj, kam hapur Partinë e Pensionistëve të Shqipërisë. Partitë e mëdha na kanë parë si armike sepse kurrë nuk kam vjedhur. Kam qenë në koalicion me PS dhe me PD dhe e dinë se kurrë nuk vjedh”, përfundoi Selami Jenishehri.
