10 ditë pas plagosjes me armë zjarri, të ish-mësuesit të Fiskulturës, Eljus Thartori, në ballkonin e banesës së tij, ka ardhur edhe reagimi i tij në lidhje me ngjarjen e ndodhur.
Thartori, i cili ushtronte profesionin e mësuesit në Vlorë, ka qenë i dënuar më parë për vrasje me 10 vite burg. Gjithashtu pak kohë më parë ai ishte denoncuar se luante në klasë bixhoz me nxënësit, dhe i nxiste ato kundër drejtoreshës së shkollës, Magdalena Imeri.
Mësohet se Thartori ndodhet për kurim në Turqi, nga ku është prononcuar për BalkanËeb, duke hedhur dritë mbi gjithë rrjedhën e ngjarjes.
“Policia e di shumë mirë me çfarë jam qëlluar unë. Jam qëlluar nga rruga në distancë, se me armë se me snajper këtë e zbulon policia, nuk jam qëlluar me tritol, po luftoj me jetën kam përfunduar në Turqi. Pse nuk i gjeti autorët policia, sepse ajo i mbron ata, jam qëlluar me snajper në sy të foshnjës, me foshnjën në krahë, 30 sekonda para se të qëllohesha e lëshova.
Po kam qenë jashtë shtetit, nuk kam asnjë kërkim, kam qenë 7 muaj herën e fundit në Angli 7 muaj kam punuar në lavazho, nuk të vret njeri përse nuk e lave mirë makinën. Isha kthyer kisha 20 ditë pastaj shkova në haxh dhe u ktheva prej 20 ditësh dhe shkoja në plazh çdo ditë mund të më vrisnin me gurë jo me snajper sikur të isha Toto Rino”, tha Thartori.
Ndërkohë, ai shprehet se dyshon se pas atentatit të bërë ndaj tij, qëndron drejtoresha e shkollës ku ai punonte, Magdalena Imeri.
“Dyshimet e mia ja le në dorë policisë, dyshimet e mia janë tek Magdalena Ymeri dhe Ilir Ymeri dhe ma ka thënë do hakmerrem ndaj teje. E bëri, denoncim te rremë në polici, tha do më vrasi fëmijët dhe çështja u pushua, ata mund të kenë paguar mendoj dhe dyshoj, policia le ta zbardh përse nuk i ka marr në pyetje?
Magdalena Ymerit nuk i prishi terezinë, më akuzoi se luaja bixhoz me nxënësit, pyesni çfarë kam bërë për atë shkollë, nuk kam çuar një herë rrogën në shtëpi, do bëja xhamat, do lyeja shkollën ose do investoja për fëmijët jetim. Nuk u kam marrë një herë lekë në atë shkollë, unë u gjykova dhe pavarësisht faktit u tërhoqa. Po kam qenë në burg për vrasje, nuk kam vrarë as gra as fëmijë, vrava atë që më ka vrarë nënën. Atij që e ka bërë unë i them vetëm kaq, i lumtë dora”, deklaroi ai.
