Këngëtarja nga Kosova Filloreta Raçi, e njohur ndryshe nga publiku si Fifi, ka treguar peripecitë që ka kaluar gjatë kohës që ishte studente dhe jetonte në Prishtinë.
Përmes një postimi në ‘Instastory’, ajo është shprehur se gjatë kohës që ishte duke ecur rrugëve të qytetit, iu rikthyen në kujtesë vitet kur ishte studente, ku shumë njerëz e kanë poshtëruar dhe injoruar.
Por, pavarësisht vështirësive, Fifi thekson se ka punuar shumë për tu rritur profesionalisht dhe për të krijuar një karrierë në muzikë.
“Duke ecur rrugëve të Prishtinës, si njëherë kur kam qenë studente, kur nuk përtoja as edhe një moment të punoja për të bërë diçka për jetën time. Ato momente mu kthyen si ‘Deja vu’ kur i thashë vetes hajt ec përpara në qytet si një farë vakti. Aq e vogël u ndjeva, ndërkohë që të ma thirrin emrin e që t’më njohin kam luftuar gjithë këto vjet.
Po takoj fytyra që jam rritur fizikisht me ta në prezencë e që më kanë poshtëruar me fjalë dikur e më kanë injoruar sikur të mos isha qenie njerëzore.. ama unë u ndjeva krenare me veten që kam luftuar me shpirt e tru edhe jam ku jam sot.. në këtë rrugëtimin tim s’jam vetë ama shpirtin tim nuk ma ka bërë askush”, shkruan këngëtarja në rrjete sociale.
