Rastet e shtuara me koronavirus, ka detyruar autoritetet në mbarë botën për t’iu rikthyer izolimit të dytë. Vala e dytë ka sjellë një panik të shtuar, e ndonëse shumica mbajnë maskën e ruajnë distancën ka nga ata persona që nuk janë ndërgjegjësuar.
Një rast i tillë është filmuar nga një aparat celular i një qytetari, në një autobus në Turqi. Një vajzë e re, ndonëse ishte e informuar se ishte infektuar, kishte kapur autobusin për të udhëtuar.
Mediat turke kanë publikuar një video, ku shihet një vajzë duke folur në telefon, teksa shprehet se ka rezultuar me Covid-19.
Pasagjerët kanë reaguar me nervozizëm pasi kanë dëgjuar vajzën, duke i kërkuar që të zbres nga autobusi. Në videon në fjalë reflektohet qartë ashpërsia e udhëtarëve, që i drejtohen vajzës që të dalë. Sipas mediave turke, debati ka vazhduar për disa minuta, derisa vajza ka zbritur nga autobusi.
