Në nisje të seancës plenare, deputeti Kujtim Gjuzi bëri një kërkesë të papritur, teksa kërkoi që të thirret në interpelancë ish-kryeministri Sali Berisha pas shpallës së tij ‘non-grata’. Kujtim Gjuzi, ka dashur që të marrë një informacion më të detajuar për situatën aktuale. Për këtë arsye, ai kërkoi prezencën e ish-kryeministrit Berisha, për akuzën që i ka bërë Xhorxh Soros ndaj veprimeve të tij në Beograd. Në kundërpërgjigje, Ruçi u shpreh se nuk mund të bëhet një interpelancë me ish-kryeministra apo me presidentë.
Kujtim Gjuzi: Në këtë koncept, jam i shqetësuar për të marrë një informacion më të detajuar, më të gjerë në lidhje me situatën. Nëse mund të publikoni një kërkesë për paraqitjen e Sali Berishës, për akuzën që ka bërë ndaj Xhorxh Sorosit për veprimet e tij të dyshimta në Beograd.
Gramoz Ruçi: Faleminderit z. Gjuzi. Lidhur me kërkesën tuaj, ne nuk mund të bëjmë një interpelancë me ish-kryeministra dhe as me presidentë.
