Pas deklaratës së kreut të PD-së, Lulzim Basha, se është i gatshëm që të shkojë në zgjedhje të parakohshme, ka ardhur edhe hapi i tij i radhës.
Lideri demokrat ka postuar ditën e sotme në faqen e tij në Facebook një spot, bashkangjitur të cilit shkruan se tashmë ka ardhur koha të vërë në jetë sfidat dhe të nxjerrë në pah potencialin e jashtëzakonshëm të Shqipërisë.
“Megjithë sfidat që kemi përpara, i yni është një vend mahnitës, me njerëz të talentuar dhe plot potenciale të jashtëzakonshme. Është koha që së bashku ti vëmë në jetë”, shkruan Basha.
Ndërkohë, në fund të videos shfaqet vetë kreu i opozitës, duke thënë se:
“Shqipëria ime ka ardhur koha të nxjerrësh në dritë potencialin e jashtëzakonshëm që ke”.
