Deputetja e opozitës, Elda Hoti, në fjalën e marrë në Kuvend shigjetoi kryeministrin Rama për bullizëm ndaj grave dhe veriorëve. Ajo tha se ka mbetur e zhgënjyer nga politika që bëhet në Shqipëri, dhe se sipas saj, çdo gjë është farsë. Hoti bëri edhe një premtim si veriore dhe malësore që është. Deputetja u shpreh se kreu i qeverisë do të humbasë në zgjedhje, ndërsa renditi një sërë problemesh që ka hasur vendi ynë ndër vite.
“Jam e zhgënjyer nga kjo lloj politike. Gjithçka është farsë, e rreme. Mendoja se do bënim opozitë ndryshe.
Kemi një kryeministër që sa herë vjen shan dhe bullizon gratë. Unë përfaqësoj qarkun e Lezhës, ku ka 1 mije probleme.
Gjendja më alarmante është largimi i të rinjve. Kryeministri përçmon veriorët. Si veriore dhe malësore që jam, të garantoj kryeministër që do humbësh në zgjedhje”, tha Hoti.
