Ish-deputeti i Partisë Demokratike, Klevis Balliu akuzon punonjësit e policisë se kanë ushtruar dhunë në momentin e shoqërimit në komisariatin nr.6 dhe për këtë arsye ka kërkuar një akt ekspertim.
Ndërkohë, mjekët ligjorë kanë bërë ekspertimin dhe përpiluan një raport, i cili i është dërguar Prokurorisë.
Balliu akuzohet për veprat penale “kundërshtim me dhunë ndaj punonjësve të policisë”, “prishje e qetësisë publike” dhe “pengim i qarkullimit të mjeteve të transportit”.
Ish-deputeti pritet të dalë nesër para Gjykatës për t’u njohur me masën e sigurisë, ndërsa i ka mohuar të gjitha akuzat e ngritura ndaj tij.
